Auf guad münchnerisch

    Neigschmeckt

    Edle Teppich, weiche Poisterstuih,
    Kellner fast wia Gäst sovui.
    Koana grölt, koana schreit:
    vornehme Heiterkeit.
    Auf jedm Tisch fia jedn Esser,
    massig Bsteck mit dreialoa Messer.

    In Leder bundn auf acht Seiten
    stenga d Köstlichkeiten.
    Hob a hoibe Stund studiert
    und d Phantasie mobilisiert,
    weil de Sprach befremdlich
    und mir völlig unverständlich.

    A Ober huift ma recht diskret
    und sogt, wos er heid gessn häd.
    Wos i auf sei Empfehlung gnumma,
    entpuppt se ois a Hummer.
    So sitz i huiflos vor dem Viech
    und ob i schneid, stich oder brich,
    wia i s aa drah und wendt:
    Des Viechal wehrt se vehement.

    So laßt da Sieg der Kreatur
    mir nur de pflanzliche Natur.
    Doch während i des Greazeig kau,
    mach i a recht vornehms Gschau:
    Wei mia kennt koana o,
    daß i koan Hummer essen ko.


    1
    1
    1
    1
    1
    1
    1
    1
    1
    1
    aktuell: 1.75 (2 Bewertunga)

    Das München-Quiz

    Kennan S' Eahna aus in München? Noch 30 Frogn im München-Quiz wissen S' es. Vui Spaß!

    Bairische Links

    A poar Gustostückerl und bsondane Sachan aus m Internet. Zua Untahoitung und Bildung.

    Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.